Молитвы ко преподобномученице Марии Гатчинской

 

  

Тропарь, глас 4-й

Агнице Твоя, Иисусе, Мария, / утешение рабом Твоим в годину лютую явися, / крепость веры и благочестия показавши, / мучения претерпе от богоборцев. / Тоя молитвами яко милостив спаси души наша.

 

Кондак, глас 4-й

Страдалице и благовестнице пречудная, / молитвеннице за всех скорбящих и страждущих, / преподобномученице мати Марие, / молися Господу Богу со всеми новомученики Российскими / спасение нам даровати и велию милость.

 

Молитва

О, преподобномученице мати Марие, ангелов похвало, новомучеников и исповедников славо! Призри на нас грешных, предстоящих и молящихся тебе, пред ракой святых и цельбоносных мощей твоих, яко теплой заступнице и смиренной ходатаице пред Господом, Ему же молитвой и постом, верою и терпением скорбей угодила еси. Тебя бо, яко светильник веры Христовой даром прозорливости и чудотворений ущедри Господь. Виждь слезы наша и покаяние, умоли милостиваго Бога даровати нам (имена) грехов прощение, к ближнему любовь нелицемерную, в вере крепость неизменную, в житии целомудрие и благочестие.

О, преблагая мати, осени твоим благоволением, всех, чтущих святую память твою. Испроси молитвами твоими у всемилостивого Бога нам в скорбех – утешение, в бедах – избавление, в болезнех – исцеление.

Умоли, преподобномученице святая, милостивого Создателя нашего, да не одолеет злоба неизреченной благости Его, и да сподобимся жизни сея привременныя во всяком благочестии и чистоте пожити, славяще Отца и Сына и Святаго Духа ныне и присно и во веки веков. Аминь.

 

Величание

Величаем тя,/ святая преподобномученице мати наша Марие, /

 и чтим честная страдания твоя, // яже за Христа претерпела еси.

  

 

Просмотры (3948)

Добавить комментарий

Ваш e-mail не будет опубликован. Обязательные поля помечены *